aur koi bhi nahin apna sahaara baqi
aur koī bhī nahīñ apnā sahārā baaqī
ab hai siine meñ faqat dard tumhārā baaqī
qarya-e-jāñ bhī hai aur dāvat-e-dīdār bhī hai
aañkh baaqī nahīñ lekin hai nazāra baaqī
baaqī āsār haiñ bas qahr-e-ḳhudā ke har-sū
koī tūfāñ hai na kashtī na kināra baaqī
us ke aane kī hai mauhūm sī ummīd abhī
āsmāñ par hai abhī ek sitāra baaqī
dil-o-jāñ bhī nahīñ duniyā bhī nahīñ hai apnī
sochte haiñ ki yahāñ kyā hai hamārā baaqī
jaane kis samt hue log ravāna saare
ek maiñ shahr meñ huuñ dard kā maarā baaqī
aur koi bhi nahin apna sahaara baqi
ab hai sine mein faqat dard tumhaara baqi
qarya-e-jaan bhi hai aur dawat-e-didar bhi hai
aankh baqi nahin lekin hai nazara baqi
baqi aasar hain bas qahr-e-KHuda ke har-su
koi tufan hai na kashti na kinara baqi
us ke aane ki hai mauhum si ummid abhi
aasman par hai abhi ek sitara baqi
dil-o-jaan bhi nahin duniya bhi nahin hai apni
sochte hain ki yahan kya hai hamara baqi
jaane kis samt hue log rawana sare
ek main shahr mein hun dard ka mara baqi
- Book : Gazal ai Gazal (Kulliyat-e-Gazal) (Pg. 40)
- Author : Dr. Munawar Hashmi
- Publication : Duniya-e-Urdu Publications, Islam abad
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
