aur phir ek din tang aa kar tanhai se

aur phir ik din tang aa kar tanhā.ī se

jā lipTeñge ham apnī parchhā.ī se

tum ko dekhā āñkhoñ meñ mahfūz kiyā

ab ham ko koī kaam nahīñ bīnā.ī se

tum ko bas ilzām hī denā aatā hai

tum ko kyā lenā denā sachchā.ī se

dil meñ armānoñ kī laash paḌī hai aur

guuñj rahā hai saarā ghar shahnā.ī se

us ko rijhāne ko maiñ ne sau jatan kiye

us ne kaam kiyā ye ik añgḌā.ī se

jaane vāloñ se kyoñ koī rabt rakhūñ

dard purānā baḌhtā hai purvā.ī se

vo kahtī hai merī āñkhoñ meñ dekho

aur ik maiñ jo Dartā huuñ gahrā.ī se

un ko to bas yaar se matlab hotā hai

dīvāne Darte kab haiñ rusvā.ī se

aur phir ek din tang aa kar tanhai se

ja lipTenge hum apni parchhai se

tum ko dekha aankhon mein mahfuz kiya

ab hum ko koi kaam nahin binai se

tum ko bas ilzam hi dena aata hai

tum ko kya lena dena sachchai se

dil mein armanon ki lash paDi hai aur

gunj raha hai sara ghar shahnai se

us ko rijhane ko main ne sau jatan kiye

us ne kaam kiya ye ek angDai se

jaane walon se kyon koi rabt rakhun

dard purana baDhta hai purwai se

wo kahti hai meri aankhon mein dekho

aur ek main jo Darta hun gahrai se

un ko to bas yar se matlab hota hai

diwane Darte kab hain ruswai se