aur taDpae mujhe dard-e-jigar aaj ki raat

aur taḌpā.e mujhe dard-e-jigar aaj kī raat

kal vo ā.eñge nahīñ aa.e agar aaj kī raat

ḳhud-baḳhud kam hai mirā dard-e-jigar aaj kī raat

kaun aa.egā ilāhī mire ghar aaj kī raat

ulTe detā hai naqāb-e-ruḳh-e-raushan koī

shaam hī se huī jaatī hai sahar aaj kī raat

maiñ jo betāb gayā bazm meñ to vo bole

ḳhair hai ḳhair hai aa nikle kidhar aaj kī raat

dar-e-mai-ḳhāna agar band hai masjid ko chalo

mai-kasho paḌ raho allāh ke ghar aaj kī raat

haañ zarā chauñk to aiñTh aiñTh ke sone vaale

le kisī āshiq-e-muztar kī ḳhabar aaj kī raat

ek muddat se jise DhūñD rahī thiiñ āñkheñ

aane vaalā hai vahī rashk-e-qamar aaj kī raat

sub.h hote tire bīmār kā dam niklegā

hai ye mehmāñ sifat-e-sham-e-sahar aaj kī raat

dard-e-dil tū ne hameñ maar hī Daalā hotā

vo kaleje se lagāte na agar aaj kī raat

koī sotā hai kahīñ saath kisī ke shāyad

dil ke hamrāh taḌaptā hai jigar aaj kī raat

tum to mar jāoge dam bhar meñ taḌap ke 'naushād'

dūr-az-hāl vo aa.e na agar aaj kī raat

aur taDpae mujhe dard-e-jigar aaj ki raat

kal wo aaenge nahin aae agar aaj ki raat

KHud-baKHud kam hai mera dard-e-jigar aaj ki raat

kaun aaega ilahi mere ghar aaj ki raat

ulTe deta hai naqab-e-ruKH-e-raushan koi

sham hi se hui jati hai sahar aaj ki raat

main jo betab gaya bazm mein to wo bole

KHair hai KHair hai aa nikle kidhar aaj ki raat

dar-e-mai-KHana agar band hai masjid ko chalo

mai-kasho paD raho allah ke ghar aaj ki raat

han zara chaunk to ainTh ainTh ke sone wale

le kisi aashiq-e-muztar ki KHabar aaj ki raat

ek muddat se jise DhunD rahi thin aankhen

aane wala hai wahi rashk-e-qamar aaj ki raat

subh hote tere bimar ka dam niklega

hai ye mehman sifat-e-sham-e-sahar aaj ki raat

dard-e-dil tu ne hamein mar hi Dala hota

wo kaleje se lagate na agar aaj ki raat

koi sota hai kahin sath kisi ke shayad

dil ke hamrah taDapta hai jigar aaj ki raat

tum to mar jaoge dam bhar mein taDap ke 'naushad'

dur-az-haal wo aae na agar aaj ki raat