aur teri to kisi baat se inkar nahin

aur terī to kisī baat se inkār nahīñ

vo jo har baar huā hai vahī is baar nahīñ

ham ko kis samt meñ jaanā hai ye samjhā.e kaun

aur ham log samajhne ko bhī tayyār nahīñ

bāl-o-par se nahīñ uḌtā huuñ junūñ se apne

paañv zanjīr hue haiñ mirī raftār nahīñ

aañkh par ḳhauf kā parda bhī to ho saktā hai

ye jo dīvār nazar aatī hai dīvār nahīñ

jo tujhe dekhnā hotā hai vahī dekhtā hai

terī āñkhoñ meñ tire ḳhvāb haiñ āzār nahīñ

raat hote hī gharoñ ko jo palaTte haiñ 'samīr'

ye ujāloñ ke taraf-dār haiñ haqdār nahīñ

aur teri to kisi baat se inkar nahin

wo jo har bar hua hai wahi is bar nahin

hum ko kis samt mein jaana hai ye samjhae kaun

aur hum log samajhne ko bhi tayyar nahin

baal-o-par se nahin uDta hun junun se apne

panw zanjir hue hain meri raftar nahin

aankh par KHauf ka parda bhi to ho sakta hai

ye jo diwar nazar aati hai diwar nahin

jo tujhe dekhna hota hai wahi dekhta hai

teri aankhon mein tere KHwab hain aazar nahin

raat hote hi gharon ko jo palaTte hain 'samir'

ye ujalon ke taraf-dar hain haqdar nahin