ayan be-rangi-e-KHakistar-e-dil hoti jati hai

ayaañ be-rangī-e-ḳhākistar-e-dil hotī jaatī hai

ba-vasf-e-sham.a bhī tārīk mahfil hotī jaatī hai

mukammal surḳhi-e-afsāna-e-dil hotī jaatī hai

hamārī dāstāñ sunñe ke qābil hotī jaatī hai

hujūm-e-yās se ye sūrat-e-dil hotī jaatī hai

mujhe ab shām-e-mahfil sub.h-e-mahfil hotī jaatī hai

nigāh-e-nāz vāqif ho chalī pinhā.ī-e-dil se

ki jazb-e-dil ba-qadr-e-vus.at-e-dil hotī jaatī hai

sunāne ko hamāre kah rahā hai koī mahfil meñ

udāsī kyoñ sharīk-e-rang-e-mahfil hotī jaatī hai

na jaane maiñ jahān-e-shauq meñ kyā bantā jaatā huuñ

ki jo shai miTtī jaatī hai mirā dil hotī jaatī hai

ye parvānoñ kī nāsheñ aur aañsū sham-e-sozāñ ke

murattab aur ik mahfil meñ mahfil hotī jaatī hai

safīne kā hamāre dekh kar ruḳh jānib-e-sāhil

'shifā' kyoñ ābdīda sham-e-sāhil hotī jaatī hai

ayan be-rangi-e-KHakistar-e-dil hoti jati hai

ba-wasf-e-shama bhi tarik mahfil hoti jati hai

mukammal surKHi-e-afsana-e-dil hoti jati hai

hamari dastan sunne ke qabil hoti jati hai

hujum-e-yas se ye surat-e-dil hoti jati hai

mujhe ab sham-e-mahfil subh-e-mahfil hoti jati hai

nigah-e-naz waqif ho chali pinhai-e-dil se

ki jazb-e-dil ba-qadr-e-wusat-e-dil hoti jati hai

sunane ko hamare kah raha hai koi mahfil mein

udasi kyon sharik-e-rang-e-mahfil hoti jati hai

na jaane main jahan-e-shauq mein kya banta jata hun

ki jo shai miTti jati hai mera dil hoti jati hai

ye parwanon ki nashen aur aansu sham-e-sozan ke

murattab aur ek mahfil mein mahfil hoti jati hai

safine ka hamare dekh kar ruKH jaanib-e-sahil

'shifa' kyon aabdida sham-e-sahil hoti jati hai