ayan nahin hai qabile walon pe haal mera

ayaañ nahīñ hai qabīle vāloñ pe haal merā

abhī kisī par khulā nahīñ hai kamāl merā

chalo ki aaj apnī apnī duniyā ko bāñTte haiñ

uruuj tum apne paas rakhnā zavāl merā

bhare jazīre pe DhūñDhtā phir rahā huuñ us ko

yahīñ kahīñ kho gayā thā mujh se vo laal merā

maiñ apnī marzī se jitne din tak qiyām kar luuñ

hai ahl-e-sahrā se rābta yuuñ bahāl merā

ka.ī zamānoñ kī gard se aT chukā hai 'jāmī'

ye dhundlā aa.ina ḳhudārā ujaal merā

ayan nahin hai qabile walon pe haal mera

abhi kisi par khula nahin hai kamal mera

chalo ki aaj apni apni duniya ko banTte hain

uruj tum apne pas rakhna zawal mera

bhare jazire pe DhunDhta phir raha hun us ko

yahin kahin kho gaya tha mujh se wo lal mera

main apni marzi se jitne din tak qiyam kar lun

hai ahl-e-sahra se rabta yun bahaal mera

kai zamanon ki gard se aT chuka hai 'jami'

ye dhundla aaina KHudara ujal mera