az azal shauq kisi ghair ka diwana raha

az azal shauq kisī ġhair kā dīvāna rahā

aur apnoñ se hamesha koī an-jānā rahā

din-ba-din girtī ga.ī apne hī me'yār se aap

haa.e is qaum ko koī ġham-e-fardā na rahā

aisā lagtā hai ki vājib huā jaanā apnā

koī is des meñ jab apnā shanāsā na rahā

ham haqīqat ke tasavvur se rahe nā-mānūs

apne hisse meñ hamesha koī afsāna rahā

bāb-e-taslīm-o-razā par kiyā sar ḳham jab se

phir nazar meñ koī dar aur darīcha na rahā

ab mujhe daan kiye jaate ho jaane kyā kyā

jab mire hoñToñ pe koī bhī taqāzā na rahā

mujh se nālāñ hī dikhā.ī diyā vo kahtā huā

pahle 'tasnīm' to achchhā thā ab achchhā na rahā

az azal shauq kisi ghair ka diwana raha

aur apnon se hamesha koi an-jaana raha

din-ba-din girti gai apne hi me'yar se aap

hae is qaum ko koi gham-e-farda na raha

aisa lagta hai ki wajib hua jaana apna

koi is des mein jab apna shanasa na raha

hum haqiqat ke tasawwur se rahe na-manus

apne hisse mein hamesha koi afsana raha

bab-e-taslim-o-raza par kiya sar KHam jab se

phir nazar mein koi dar aur daricha na raha

ab mujhe dan kiye jate ho jaane kya kya

jab mere honTon pe koi bhi taqaza na raha

mujh se nalan hi dikhai diya wo kahta hua

pahle 'tasnim' to achchha tha ab achchha na raha