az-bas bhala lage hai tu mere yar mujhko

az-bas bhalā lage hai tū mere yaar mujh ko

be-iḳhtiyār tujh par aatā hai pyaar mujh ko

sayyād kā burā ho jis ke taġhāfuloñ ne

kunj-e-qafas meñ rakkhā fasl-e-bahār mujh ko

jā.ūñ kidhar ko yaaro mānind-e-said-e-ḳhargah

mizhgāñ ne kar rakhā hai us kī shikār mujh ko

is raftagī pe mujh se kartā hai tū taġhāful

DāñTe hai tis pe ulTā phir baar baar mujh ko

merā qusūr kyā hai saan.e ko chāhiye thā

miqdār-e-husn detā sabr-o-qarār mujh ko

fitna hai yā parī hai jaadū hai yā balā hai

āñkhoñ se ye kiyā hai kis kī do-chār mujh ko

ai 'mus.hafī' tasavvur us kā jo sāmne hai

aatā nahīñ shab-e-ġham yak-dam qarār mujh ko

az-bas bhala lage hai tu mere yar mujh ko

be-iKHtiyar tujh par aata hai pyar mujh ko

sayyaad ka bura ho jis ke taghafulon ne

kunj-e-qafas mein rakkha fasl-e-bahaar mujh ko

jaun kidhar ko yaro manind-e-said-e-KHargah

mizhgan ne kar rakha hai us ki shikar mujh ko

is raftagi pe mujh se karta hai tu taghaful

DanTe hai tis pe ulTa phir bar bar mujh ko

mera qusur kya hai sane ko chahiye tha

miqdar-e-husn deta sabr-o-qarar mujh ko

fitna hai ya pari hai jadu hai ya bala hai

aankhon se ye kiya hai kis ki do-chaar mujh ko

ai 'mushafi' tasawwur us ka jo samne hai

aata nahin shab-e-gham yak-dam qarar mujh ko