azal ke zawiye sab zindagi se nikle hain

azal ke zāviye sab zindagī se nikle haiñ

na jaane kitne hī ġham ik ḳhushī se nikle haiñ

kamāl ye nahīñ nikle haiñ rokne par bhī

kamāl ye hai ki aañsū hañsī se nikle haiñ

lagā thā dard sabhī dushmanī se nikleñge

magar jo nikle vo sab dostī se nikle haiñ

isī liye hai mujhe koft āshnā.ī se

maiñ jāntā thā jinheñ ajnabī se nikle haiñ

kabhī kabhī to ye lagtā hai fursatoñ ke pal

mirī ghaḌī ke sivā har ghaḌī se nikle haiñ

bhare haiñ zaḳhm sabhī marham-e-mohabbat se

nishān-e-zaḳhm bhī saare isī se nikle haiñ

savāl ye hai ki kyoñ kar 'navā' hue ghāyal

javāb ye hai ki dil kī galī se nikle haiñ

azal ke zawiye sab zindagi se nikle hain

na jaane kitne hi gham ek KHushi se nikle hain

kamal ye nahin nikle hain rokne par bhi

kamal ye hai ki aansu hansi se nikle hain

laga tha dard sabhi dushmani se niklenge

magar jo nikle wo sab dosti se nikle hain

isi liye hai mujhe koft aashnai se

main jaanta tha jinhen ajnabi se nikle hain

kabhi kabhi to ye lagta hai fursaton ke pal

meri ghaDi ke siwa har ghaDi se nikle hain

bhare hain zaKHm sabhi marham-e-mohabbat se

nishan-e-zaKHm bhi sare isi se nikle hain

sawal ye hai ki kyon kar 'nawa' hue ghayal

jawab ye hai ki dil ki gali se nikle hain