azal-ta-haal muqayyad si ek hayat mein hun

azal-tā-hāl muqayyad sī ik hayāt meñ huuñ

sazā bataur kisī aur kā.enāt meñ huuñ

mire tabīb mujhe hichkiyoñ kā nusḳha de

bharam rahe maiñ kisī ke tasavvurāt meñ huuñ

koī nahīñ thā to ḳhud se savāl-e-vasl kiyā

javāb aayā mu'āfī hisār-e-zāt meñ huuñ

sar-e-vajūd koī karbalā musallat hai

shadīd pyaas hai aur vādī-e-furāt meñ huuñ

tirā bhī koī tujhe chhoḌ ke chalā jaa.e

maiñ kuchh dinoñ se isī ḳhvāhish-e-nashāt meñ huuñ

'bashīr-badr' paḌhoge to maiñ milūñgā tumheñ

udāsī naam se hazrat kī kulliyāt meñ huuñ

azal-ta-haal muqayyad si ek hayat mein hun

saza bataur kisi aur kaenat mein hun

mere tabib mujhe hichkiyon ka nusKHa de

bharam rahe main kisi ke tasawwuraat mein hun

koi nahin tha to KHud se sawal-e-wasl kiya

jawab aaya mu'afi hisar-e-zat mein hun

sar-e-wajud koi karbala musallat hai

shadid pyas hai aur wadi-e-furaat mein hun

tera bhi koi tujhe chhoD ke chala jae

main kuchh dinon se isi KHwahish-e-nashat mein hun

'bashir-badr' paDhoge to main milunga tumhein

udasi nam se hazrat ki kulliyat mein hun