aziz kyon na ho phir gham tera KHushi ki tarah

aziiz kyoñ na ho phir ġham tirā ḳhushī kī tarah

ki iḳhtiyār bhī merā hai be-kasī kī tarah

ḳhudā ke vāste mat toḌ aasrā dil kā

ki maiñ ne Daalī hai mar-mar ke zindagī kī tarah

vo jis ko khilne se pahle hī toḌ le koī

tirī misāl hai ai dost us kalī kī tarah

tumhārī kaun adā par karūñ yaqīn ki tum

kabhī kisī kī tarah ho kabhī kisī kī tarah

nigāh-e-nāz meñ us baḳhshish-o-karam ke nisār

ki tū ne hosh bhī baḳhshā to be-ḳhudī kī tarah

na kyoñ ho naaz tabāhī-e-dil pe ai 'sāhir'

ki mujh ko Dālnā hai miT ke zindagī kī tarah

aziz kyon na ho phir gham tera KHushi ki tarah

ki iKHtiyar bhi mera hai be-kasi ki tarah

KHuda ke waste mat toD aasra dil ka

ki main ne Dali hai mar-mar ke zindagi ki tarah

wo jis ko khilne se pahle hi toD le koi

teri misal hai ai dost us kali ki tarah

tumhaari kaun ada par karun yaqin ki tum

kabhi kisi ki tarah ho kabhi kisi ki tarah

nigah-e-naz mein us baKHshish-o-karam ke nisar

ki tu ne hosh bhi baKHsha to be-KHudi ki tarah

na kyon ho naz tabahi-e-dil pe ai 'sahir'

ki mujh ko Dalna hai miT ke zindagi ki tarah