azizo na puchho kahan rah gaya

azīzo na pūchho kahāñ rah gayā

jahāñ jī lagā bas vahāñ rah gayā

jo rahnā thā barq-e-tapāñ rah gayā

qafas jal gayā āshiyāñ rah gayā

huā mundamil zaḳhm-e-tīr-e-nazar

magar dil pe us kā nishāñ rah gayā

gayā āshiyāna zamāna huā

faqat ab ġham-e-āshiyāñ rah gayā

ye donoñ bhī manzil pe pahuñche magar

ġhubār uḌ gayā kārvāñ rah gayā

jahāñ kārvāñ kā huā thā qiyām

vahāñ kārvāñ kā nishāñ rah gayā

idhar vahshat-e-dil mujhe le uḌī

udhar hosh dāman-kashāñ rah gayā

kaho banda-parvar ho kis soch meñ

abhī kyā koī imtihāñ rah gayā

har ik chiiz ai 'qadr' aa.ī ga.ī

ġham-e-ishq hī jāvedāñ rah gayā

azizo na puchho kahan rah gaya

jahan ji laga bas wahan rah gaya

jo rahna tha barq-e-tapan rah gaya

qafas jal gaya aashiyan rah gaya

hua mundamil zaKHm-e-tir-e-nazar

magar dil pe us ka nishan rah gaya

gaya aashiyana zamana hua

faqat ab gham-e-ashiyan rah gaya

ye donon bhi manzil pe pahunche magar

ghubar uD gaya karwan rah gaya

jahan karwan ka hua tha qiyam

wahan karwan ka nishan rah gaya

idhar wahshat-e-dil mujhe le uDi

udhar hosh daman-kashan rah gaya

kaho banda-parwar ho kis soch mein

abhi kya koi imtihan rah gaya

har ek chiz ai 'qadr' aai gai

gham-e-ishq hi jawedan rah gaya