azm-e-safar se pahle bhi aur KHatm-e-safar se aage bhi

azm-e-safar se pahle bhī aur ḳhatm-e-safar se aage bhī

rāhguzar hī rāhguzar hai rāhguzar se aage bhī

tāb-e-nazar to shart hai lekin hadd-e-nazar kyuuñ haa.il hai

jalva-fagan to jalva-fagan hai hadd-e-nazar se aage bhī

sub.h-e-azal se shām-e-abad tak mere hī dam se raunaq hai

is manzar se us manzar tak us manzar se aage bhī

vahm-o-gumāñ se ilm-o-yaqīñ tak saikḌoñ nāzuk moḌ aa.e

rū-e-zamīñ se shams-o-qamar tak shams-o-qamar se aage bhī

dil se duā nikle to yaqīnan bāb-e-asar tak pahuñchegī

aah jo nikle dil se to pahuñche bāb-e-asar se aage bhī

dīda-e-tar kā ab to 'aḳhgar' ek hī aalam rahtā hai

nāla-e-shab se āh-e-sahar tak āh-e-sahar se aage bhī

azm-e-safar se pahle bhi aur KHatm-e-safar se aage bhi

rahguzar hi rahguzar hai rahguzar se aage bhi

tab-e-nazar to shart hai lekin hadd-e-nazar kyun hail hai

jalwa-fagan to jalwa-fagan hai hadd-e-nazar se aage bhi

subh-e-azal se sham-e-abad tak mere hi dam se raunaq hai

is manzar se us manzar tak us manzar se aage bhi

wahm-o-guman se ilm-o-yaqin tak saikDon nazuk moD aae

ru-e-zamin se shams-o-qamar tak shams-o-qamar se aage bhi

dil se dua nikle to yaqinan bab-e-asar tak pahunchegi

aah jo nikle dil se to pahunche bab-e-asar se aage bhi

dida-e-tar ka ab to 'aKHgar' ek hi aalam rahta hai

nala-e-shab se aah-e-sahar tak aah-e-sahar se aage bhi