ba-faiz-e-ishq wo din bhi kabhi parwardigar aae

ba-faiz-e-ishq vo din bhī kabhī parvardigār aa.e

mire ghar koī aa jaa.e mire ghar meñ bahār aa.e

kabhī to aa hī jaatā hai vo manzar bhī nigāhoñ meñ

jahāñ marne ko jī chāhe jahāñ jiine meñ aar aa.e

ye vīrānī kā aalam hai yahāñ sab ḳhāna-vīrāñ haiñ

ye dīvānoñ kī duniyā hai yahāñ koī hoshiyār aa.e

bharam sab khul gayā ai shaiḳh terī pārsā.ī kā

sahar masjid meñ pahuñchāne tujhe jab bāda-ḳhvār aa.e

jinheñ apnā samajhtā thā vahī nikle haiñ begāne

jahāñ vāloñ pe ab kyā ḳhaak mujh ko e.atibār aa.e

ḳhudā ne husn kuchh aisā diyā hai dekh kar jis ko

mirā to zikr hī kyā hai zamāne bhar ko pyaar aa.e

ye kaisā dil banāyā hai hasīnoñ kā ḳhudā-vandā

na hañsnā sāzgār aa.e na ronā sāzgār aa.e

nigāh-e-mehr se us ne mujhe 'ejāz' dekhā hai

magar is chalte phirte saa.e kā kyā e.atibār aa.e

ba-faiz-e-ishq wo din bhi kabhi parwardigar aae

mere ghar koi aa jae mere ghar mein bahaar aae

kabhi to aa hi jata hai wo manzar bhi nigahon mein

jahan marne ko ji chahe jahan jine mein aar aae

ye virani ka aalam hai yahan sab KHana-viran hain

ye diwanon ki duniya hai yahan koi hoshiyar aae

bharam sab khul gaya ai shaiKH teri parsai ka

sahar masjid mein pahunchane tujhe jab baada-KHwar aae

jinhen apna samajhta tha wahi nikle hain begane

jahan walon pe ab kya KHak mujh ko eatibar aae

KHuda ne husn kuchh aisa diya hai dekh kar jis ko

mera to zikr hi kya hai zamane bhar ko pyar aae

ye kaisa dil banaya hai hasinon ka KHuda-wanda

na hansna sazgar aae na rona sazgar aae

nigah-e-mehr se us ne mujhe 'ejaz' dekha hai

magar is chalte phirte sae ka kya eatibar aae