ba-juz KHayal-e-gham-e-mohabbat koi mera ham-safar nahin hai

ba-juz ḳhayāl-e-ġham-e-mohabbat koī mirā ham-safar nahīñ hai

maiñ ab vahāñ se guzar rahā huuñ jahāñ kisī kā guzar nahīñ hai

alam bhī kab saath chhoḌ jaa.e kisī ko us kī ḳhabar nahīñ hai

bahār to phir bahār Thahrī ḳhizāñ bhī ab mo'atabar nahīñ hai

fazā.eñ nik.hat meñ Dhal rahī haiñ vafā kā iqrār ho rahā hai

ḳhud apne jalvoñ meñ vo bhī gum haiñ hameñ bhī apnī ḳhabar nahīñ hai

mujhe haqīqat se vāsta hai naqīb-e-fitrat huuñ maiñ azal se

ḳhizāñ ko fasl-e-bahār kah duuñ ye merā zarf-e-nazar nahīñ hai

ba-juz KHayal-e-gham-e-mohabbat koi mera ham-safar nahin hai

main ab wahan se guzar raha hun jahan kisi ka guzar nahin hai

alam bhi kab sath chhoD jae kisi ko us ki KHabar nahin hai

bahaar to phir bahaar Thahri KHizan bhi ab mo'atabar nahin hai

fazaen nikhat mein Dhal rahi hain wafa ka iqrar ho raha hai

KHud apne jalwon mein wo bhi gum hain hamein bhi apni KHabar nahin hai

mujhe haqiqat se wasta hai naqib-e-fitrat hun main azal se

KHizan ko fasl-e-bahaar kah dun ye mera zarf-e-nazar nahin hai