ba-qadr-e-zarf sab ne apne etibar chun liye

ba-qadr-e-zarf sab ne apne e'tibār chun liye

ḳhirad ne phuul le liye junūñ ne ḳhaar chun liye

huā madīna-e-yaqīn us kā rashk-e-gulsitāñ

vo jis ne rif’at-e-yaqīñ ke regzār chun liye

'ajab thā tifl-e-tishna-lab kī eḌiyoñ kā mo'jiza

talab ne us kī rahmatoñ ke ābshār chun liye

nisāb-e-haq milā to apnī 'āqibat sañvar ga.ī

vo ham ne rāste ba-fazl-e-kirdgār chun liye

nuqūsh-e-pā-e-rāhbar qadam-qadam pe chuum ke

hayāt ham ne tere saare e'tibār chun liye

bahut hī qīmtī rahe vo 'arsa-e-hayāt meñ

jo lamhe 'ishq ne barā.e-intizār chun liye

likhī jo mad.h-e-jān-e-jāñ qalam ne pā.īñ rif'ateñ

ma'ānī-o-ḳhirad ke ham ne regzār chun liye

ba-qadr-e-zarf sab ne apne e'tibar chun liye

KHirad ne phul le liye junun ne KHar chun liye

hua madina-e-yaqin us ka rashk-e-gulsitan

wo jis ne rif’at-e-yaqin ke regzar chun liye

'ajab tha tifl-e-tishna-lab ki eDiyon ka mo'jiza

talab ne us ki rahmaton ke aabshaar chun liye

nisab-e-haq mila to apni 'aqibat sanwar gai

wo hum ne raste ba-fazl-e-kirdgar chun liye

nuqush-e-pa-e-rahbar qadam-qadam pe chum ke

hayat hum ne tere sare e'tibar chun liye

bahut hi qimti rahe wo 'arsa-e-hayat mein

jo lamhe 'ishq ne barae-intizar chun liye

likhi jo madh-e-jaan-e-jaan qalam ne pain rif'aten

ma'ani-o-KHirad ke hum ne regzar chun liye