ba-sad-KHulus ba-sad-ehtimam hoti hai

ba-sad-ḳhulūs ba-sad-ehtimām hotī hai

suḳhan ke naam pe hujjat tamām hotī hai

suḳhanvarī kā kahāñ hausla ki ham-suḳhano

kabhī-kabhār ġhazal ham-kalām hotī hai

ham apne apne masā.il pe baat karte haiñ

jo rāste meñ duā-o-salām hotī hai

jo terī yaad kī chilla-kashī meñ rahte haiñ

na sub.h hotī hai un kī na shaam hotī hai

ḳhudā nasīb kare tum ko vo buland maqām

jahāñ pe ḳhvāhish-e-duniyā ġhulām hotī hai

ye moTī moTī kitābeñ jo chhap rahī haiñ yahāñ

paḌheñ to shā.erī ik do gram hotī hai

ik aisī chiiz bhī hai vā.izoñ ke qabze meñ

vahāñ halāl yahāñ par harām hotī hai

ba-sad-KHulus ba-sad-ehtimam hoti hai

suKHan ke nam pe hujjat tamam hoti hai

suKHanwari ka kahan hausla ki ham-suKHano

kabhi-kabhaar ghazal ham-kalam hoti hai

hum apne apne masail pe baat karte hain

jo raste mein dua-o-salam hoti hai

jo teri yaad ki chilla-kashi mein rahte hain

na subh hoti hai un ki na sham hoti hai

KHuda nasib kare tum ko wo buland maqam

jahan pe KHwahish-e-duniya ghulam hoti hai

ye moTi moTi kitaben jo chhap rahi hain yahan

paDhen to shaeri ek do gram hoti hai

ek aisi chiz bhi hai waizon ke qabze mein

wahan halal yahan par haram hoti hai