ba-surat-e-saza diye gae hain hum

ba-sūrat-e-sazā diye ga.e haiñ ham

hamīñ ko be-bahā diye ga.e haiñ ham

naved ho ai hākimā naved ho

subūt the miTā diye ga.e haiñ ham

hamārī ḳhaak poTlī meñ band thī

bahāv meñ bahā diye ga.e haiñ ham

vo husn ko jo aag kī lapeT thā

ba-sūrat-e-havā diye ga.e haiñ ham

ziyāñ-pasand shahr ke charāġh the

so din meñ hī jalā diye ga.e haiñ ham

tumheñ qubūl ho tumhārā taḳhliya

ḳhayāl se uThā diye ga.e haiñ ham

ba-surat-e-saza diye gae hain hum

hamin ko be-baha diye gae hain hum

nawed ho ai hakima nawed ho

subut the miTa diye gae hain hum

hamari KHak poTli mein band thi

bahaw mein baha diye gae hain hum

wo husn ko jo aag ki lapeT tha

ba-surat-e-hawa diye gae hain hum

ziyan-pasand shahr ke charagh the

so din mein hi jala diye gae hain hum

tumhein qubul ho tumhaara taKHliya

KHayal se uTha diye gae hain hum