ba-zahir Thik lagte ho magar ye aankh kyon nam hai

ba-zāhir Thiik lagte ho magar ye aañkh kyoñ nam hai

ḳhushī par ro diye ho kyoñ tumheñ kis baat kā ġham hai

kabhī hañstī huī nam aañkh dekhoge to samjhoge

haiñ ġham kī sūrateñ kitnī ḳhushī ke baad bhī ġham hai

aziyyat jhelnī hogī yahāñ bas āḳhirī dam tak

jahāñ meñ jis qadar jitnā jise hai aarzī ġham hai

diyā maslak kā jaltā hai dil-e-muslim kī rāhoñ meñ

jahāñ raushan to hai lekin abhī bhī raushnī kam hai

yahāñ va.ade nibhāne kā kaheñge āḳhirī dam tak

kise ma.alūm kab kis kā yahāñ par āḳhirī dam hai

hunar se dukh kuredeñ tab kahīñ ash.ār bante haiñ

rasā.ī kam sahī lekin tumhārī daad bhī kam hai

ba-zahir Thik lagte ho magar ye aankh kyon nam hai

KHushi par ro diye ho kyon tumhein kis baat ka gham hai

kabhi hansti hui nam aankh dekhoge to samjhoge

hain gham ki suraten kitni KHushi ke baad bhi gham hai

aziyyat jhelni hogi yahan bas aaKHiri dam tak

jahan mein jis qadar jitna jise hai aarzi gham hai

diya maslak ka jalta hai dil-e-muslim ki rahon mein

jahan raushan to hai lekin abhi bhi raushni kam hai

yahan wade nibhane ka kahenge aaKHiri dam tak

kise malum kab kis ka yahan par aaKHiri dam hai

hunar se dukh kureden tab kahin ashaar bante hain

rasai kam sahi lekin tumhaari dad bhi kam hai