ba-zahir ye jo begane bahut hain
ba-zāhir ye jo begāne bahut haiñ
hamāre jāne-pahchāne bahut haiñ
ḳhirad-mando mubārak azm-e-aflāk
zamīñ par chand dīvāne bahut haiñ
shabistānoñ se tum niklo to dekho
bhare shahroñ meñ vīrāne bahut haiñ
tumhārā mai-kada tum ko mubārak
hameñ yādoñ ke paimāne bahut haiñ
gilā kyā ġhair kī begānagī kā
ki jo apne haiñ begāne bahut haiñ
nizām-e-zīst kā mehvar mohabbat
haqīqat ek afsāne bahut haiñ
ba-zahir ye jo begane bahut hain
hamare jaane-pahchane bahut hain
KHirad-mando mubarak azm-e-aflak
zamin par chand diwane bahut hain
shabistanon se tum niklo to dekho
bhare shahron mein virane bahut hain
tumhaara mai-kada tum ko mubarak
hamein yaadon ke paimane bahut hain
gila kya ghair ki beganagi ka
ki jo apne hain begane bahut hain
nizam-e-zist ka mehwar mohabbat
haqiqat ek afsane bahut hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
