baad muddat ke ye ehsas hua ho jaise

baa'd muddat ke ye ehsās huā ho jaise

dil ke sahrā meñ koī phuul khilā ho jaise

ḳhūn-āshāmī-o-barbādī kā bāzār hai garm

har-sū vahshat kā nayā baab khulā ho jaise

gardish-e-vaqt ne is tarh se añgḌā.ī lī

ḳhvāb-e-vahshat se koī chauñk gayā ho jaise

ab to baaqī na rahā mujrim-o-munsif kā savāl

ek hī saf meñ har ik shaḳhs khaḌā ho jaise

kaun batlā.egā ab asl haqīqat kyā hai

chashm-e-bīnā pe bhī parda sā paḌā ho jaise

pūchh mat mujh se mirī hālat-e-dil ai 'bismil'

dil ke zaḳhmoñ pe nayā tiir chalā ho jaise

ba'd muddat ke ye ehsas hua ho jaise

dil ke sahra mein koi phul khila ho jaise

KHun-ashami-o-barbaadi ka bazar hai garm

har-su wahshat ka naya bab khula ho jaise

gardish-e-waqt ne is tarh se angDai li

KHwab-e-wahshat se koi chaunk gaya ho jaise

ab to baqi na raha mujrim-o-munsif ka sawal

ek hi saf mein har ek shaKHs khaDa ho jaise

kaun batlaega ab asl haqiqat kya hai

chashm-e-bina pe bhi parda sa paDa ho jaise

puchh mat mujh se meri haalat-e-dil ai 'bismil'

dil ke zaKHmon pe naya tir chala ho jaise