ba-KHuda maine KHub pi cigarette

bā-ḳhudā maiñ ne ḳhuub pī cigarette

jab jalī tere naam kī cigarette

maiñ na apnā.ūñgā ise phir se

nahīñ piitā maiñ muñh-lagī cigarette

ek din us ne hoñT chuum liye

aur phir maiñ ne chhoḌ dī cigarette

baat phir dostī pe lauT aa.ī

muñh lagāte hī bujh ga.ī cigarette

us ne ik din galī meñ dekh liyā

aur hoñToñ se chhīn lī cigarette

jaane kis kis ke muñh lagī jā kar

āḳhirī shab kī āḳhirī cigarette

itnā pūchhā thā kyā huā tujh ko

aur phir bolne lagī cigarette

is se bāhar kabhī na aa.e ga.e

maut cigarette hai zindagī cigarette

is se duurī banā ke rakh 'harshit'

muñh jalā degī bāvlī cigarette

ba-KHuda main ne KHub pi cigarette

jab jali tere nam ki cigarette

main na apnaunga ise phir se

nahin pita main munh-lagi cigarette

ek din us ne honT chum liye

aur phir main ne chhoD di cigarette

baat phir dosti pe lauT aai

munh lagate hi bujh gai cigarette

us ne ek din gali mein dekh liya

aur honTon se chhin li cigarette

jaane kis kis ke munh lagi ja kar

aaKHiri shab ki aaKHiri cigarette

itna puchha tha kya hua tujh ko

aur phir bolne lagi cigarette

is se bahar kabhi na aae gae

maut cigarette hai zindagi cigarette

is se duri bana ke rakh 'harshit'

munh jala degi bawli cigarette