bagh mein phul khile mausam-e-sauda aaya

baaġh meñ phuul khile mausam-e-saudā aayā

garm bāzār huā vaqt-e-tamāsha aayā

sārbāñ nāqa-e-lailā ko na dauḌā itnā

paañv majnūñ ke thake haath tire kyā aayā

ek naale ne mire kaam kiye baaġh meñ vo

gul ko tap aa.ī to shabnam ko pasīna aayā

ro ke maiñ ne jo kahā aap kī hai chaah mujhe

hañs ke bole ki baḌā chāhne vaalā aayā

jhaaḌ dī gard jo dāman kī kabhī ham ne 'asīr'

hañs ke farmāyā ki tum ko bhī salīqa aayā

bagh mein phul khile mausam-e-sauda aaya

garm bazar hua waqt-e-tamasha aaya

sarban naqa-e-laila ko na dauDa itna

panw majnun ke thake hath tere kya aaya

ek nale ne mere kaam kiye bagh mein wo

gul ko tap aai to shabnam ko pasina aaya

ro ke main ne jo kaha aap ki hai chah mujhe

hans ke bole ki baDa chahne wala aaya

jhaD di gard jo daman ki kabhi hum ne 'asir'

hans ke farmaya ki tum ko bhi saliqa aaya