bagh-o-bustan hue viran ki ji jaanta hai

bāġh-o-bustāñ hue vīrān ki jī jāntā hai

sar-e-duniyā hai vo tūfān ki jī jāntā hai

aur kyā us ke sivā hāsil rūdād-e-jahāñ

ḳhāk-o-ḳhūñ dast-o-garebān ki jī jāntā hai

roz-e-mahshar to na thā shām-e-mulāqāt thī vo

yuuñ hue be-sar-o-sāmān ki jī jāntā hai

māh-timsāl thā yā ḳhanjar-e-uryāñ koī

yuuñ hai paivast-e-rag-e-jān ki jī jāntā hai

dard hotā to sar-e-shām sambhal bhī jaatā

dil hai vo lashkar-e-armān ki jī jāntā hai

be-sukūnī kī talab hai nasha-e-qulzum-e-jāñ

aab hai tishna-e-haijān ki jī jāntā hai

tai kahāñ hotī hai rāh-e-safar-e-nā-ma.alūm

ġham hai yuuñ dīda-e-hairān ki jī jāntā hai

bagh-o-bustan hue viran ki ji jaanta hai

sar-e-duniya hai wo tufan ki ji jaanta hai

aur kya us ke siwa hasil rudad-e-jahan

KHak-o-KHun dast-o-gareban ki ji jaanta hai

roz-e-mahshar to na tha sham-e-mulaqat thi wo

yun hue be-sar-o-saman ki ji jaanta hai

mah-timsal tha ya KHanjar-e-uryan koi

yun hai paiwast-e-rag-e-jaan ki ji jaanta hai

dard hota to sar-e-sham sambhal bhi jata

dil hai wo lashkar-e-arman ki ji jaanta hai

be-sukuni ki talab hai nasha-e-qulzum-e-jaan

aab hai tishna-e-haijaan ki ji jaanta hai

tai kahan hoti hai rah-e-safar-e-na-malum

gham hai yun dida-e-hairan ki ji jaanta hai