baghban itna to nadan nahin ho sakta

bāġhbāñ itnā to nādān nahīñ ho saktā

koī ik phuul gulistān nahīñ ho saktā

aur bhī logoñ kī ummīdeñ haiñ mujh se so maiñ

kaam aa saktā huuñ qurbān nahīñ ho saktā

bārhā āñkhoñ ne dekhā hai vahī sab hote

jis kā sunte the ki imkān nahīñ ho saktā

koī qissa ho mire dost adhūrā na sunā

shahr ik din meñ bayābān nahīñ ho saktā

sair-e-duniyā se bharam hotā hai āzādī kā

jis meñ vus'at ho vo zindān nahīñ ho saktā

aisā āsān hadaf sab kī nazar ho jis par

kuchh bhī ho saktā hai āsān nahīñ ho saktā

jise dekho vahī sahrā kā talabgār hai ab

itnā dilkash hai to vīrān nahīñ ho saktā

baghban itna to nadan nahin ho sakta

koi ek phul gulistan nahin ho sakta

aur bhi logon ki ummiden hain mujh se so main

kaam aa sakta hun qurban nahin ho sakta

barha aankhon ne dekha hai wahi sab hote

jis ka sunte the ki imkan nahin ho sakta

koi qissa ho mere dost adhura na suna

shahr ek din mein bayaban nahin ho sakta

sair-e-duniya se bharam hota hai aazadi ka

jis mein wus'at ho wo zindan nahin ho sakta

aisa aasan hadaf sab ki nazar ho jis par

kuchh bhi ho sakta hai aasan nahin ho sakta

jise dekho wahi sahra ka talabgar hai ab

itna dilkash hai to viran nahin ho sakta