baghi hudud se bahut aage nikal gae

bāġhī hudūd se bahut aage nikal ga.e

sūraj chhuā na thā ki mire haath jal ga.e

ye hairatoñ ke beach meñ hairat-zada nuqūsh

kaise tamāshbīn the patthar meñ Dhal ga.e

jazbāt meñ kuchh is tarah us kā badan thā surḳh

zanjīr āhanī ke kaḌe hī pighal ga.e

baguloñ se un ke ruup bhagat ban ke aa.e kuchh

makkhī ko yaar chhoḌ ke hāthī nigal ga.e

Tiile se qahqahoñ kī phuvāroñ meñ the 'ġhanī'

tiir ek aañkh vaale achānak uchhal ga.e

baghi hudud se bahut aage nikal gae

suraj chhua na tha ki mere hath jal gae

ye hairaton ke beach mein hairat-zada nuqush

kaise tamashbin the patthar mein Dhal gae

jazbaat mein kuchh is tarah us ka badan tha surKH

zanjir aahani ke kaDe hi pighal gae

bagulon se un ke rup bhagat ban ke aae kuchh

makkhi ko yar chhoD ke hathi nigal gae

Tile se qahqahon ki phuwaron mein the 'ghani'

tir ek aankh wale achanak uchhal gae