baal shishe mein kahin baal se main hota hun

baal shīshe meñ kahīñ baal se maiñ hotā huuñ

be-yaqīnī meñ paḌe jaal se maiñ hotā huuñ

aisā bīmār banātī hai tirī aañkh mujhe

aise gulnār tire gaal se maiñ hotā huuñ

tujh pe vo umr guzārī maiñ kahīñ aa.e na aa.e

sher kahte hue jis haal se maiñ hotā huuñ

dām-o-darham hunar-e-ḳhvāb ke badle laao

aise mar.ūb kahāñ maal se maiñ hotā huuñ

dil kī gahrā.ī tirī zaat kī tanhā.ī mirī

qaal se to huā hai haal se maiñ hotā huuñ

ek tajrīdī-numū husn ne rakkhī ham meñ

ḳhad se to hotā huā ḳhaal se maiñ hotā huuñ

aur zarā tham ke adam-nāma-e-hasrat ho kar

ashk be-zār tirī Dhaal se maiñ hotā huuñ

baal shishe mein kahin baal se main hota hun

be-yaqini mein paDe jal se main hota hun

aisa bimar banati hai teri aankh mujhe

aise gulnar tere gal se main hota hun

tujh pe wo umr guzari main kahin aae na aae

sher kahte hue jis haal se main hota hun

dam-o-darham hunar-e-KHwab ke badle lao

aise marub kahan mal se main hota hun

dil ki gahrai teri zat ki tanhai meri

qal se to hua hai haal se main hota hun

ek tajridi-numu husn ne rakkhi hum mein

KHad se to hota hua KHal se main hota hun

aur zara tham ke adam-nama-e-hasrat ho kar

ashk be-zar teri Dhaal se main hota hun