baalon mein jaise chipki ho chewing-gum buri tarah

bāloñ meñ jaise chipkī ho chewing-gum burī tarah

aa.e kisī ke jhāñse meñ ham bhī usī tarah

terī nazar se dekheñ to duniyā hasīn hai

lekin hameñ nazar bhī to aa.e tirī tarah

kār-e-jahāñ hamī se ravāñ hai ki ham meñ bhī

tāb-e-numū hai parda-e-aflāk kī tarah

qasmeñ uThā rahe haiñ vo bhī tere naam kī

jo log jānte nahīñ tujh ko kisī tarah

pāmāl rāstoñ se gurezāñ rahe haiñ ham

kī haiñ purānī bāteñ bhī lekin na.ī tarah

us ne mujhe gale se lagā kar kahā : suno

murda diloñ ko karte haiñ zinda isī tarah

baalon mein jaise chipki ho chewing-gum buri tarah

aae kisi ke jhanse mein hum bhi usi tarah

teri nazar se dekhen to duniya hasin hai

lekin hamein nazar bhi to aae teri tarah

kar-e-jahan hami se rawan hai ki hum mein bhi

tab-e-numu hai parda-e-aflak ki tarah

qasmen uTha rahe hain wo bhi tere nam ki

jo log jaante nahin tujh ko kisi tarah

pamal raston se gurezan rahe hain hum

ki hain purani baaten bhi lekin nai tarah

us ne mujhe gale se laga kar kaha : suno

murda dilon ko karte hain zinda isi tarah