baam par aaj na mahtab-e-daraKHshan nikla

baam par aaj na mahtāb-e-daraḳhshāñ niklā

ham rahe diid se mahrūm kab armāñ niklā

bazm meñ sirf na the ahl-e-nazar hī shashdar

dekh kar un ko to ā.īna bhī hairāñ niklā

ḳhushk-o-ḳhāmosh nazar aatā thā pahle jo hameñ

jab khulā ham se to vo rashk-e-bahārāñ niklā

kis ko ham dekhte malbūs-e-tarah-dārī meñ

har koī hirs ke hammām meñ 'uryāñ niklā

'ishq ko mere fazīlat huī hāsil 'abrār'

husn-e-jānāna mire shauq kā ‘unvāñ niklā

baam par aaj na mahtab-e-daraKHshan nikla

hum rahe did se mahrum kab arman nikla

bazm mein sirf na the ahl-e-nazar hi shashdar

dekh kar un ko to aaina bhi hairan nikla

KHushk-o-KHamosh nazar aata tha pahle jo hamein

jab khula hum se to wo rashk-e-bahaaran nikla

kis ko hum dekhte malbus-e-tarah-dari mein

har koi hirs ke hammam mein 'uryan nikla

'ishq ko mere fazilat hui hasil 'abrar'

husn-e-jaanana mere shauq ka ‘unwan nikla