barha Tut kar bana hun main

bārhā Tuut kar banā huuñ maiñ

Dūbtī naav kī anā huuñ maiñ

ḳhud hī mulzim huuñ ḳhud hī munsif bhī

apne hī rū-ba-rū khaḌā huuñ maiñ

merī miTTī bhī kyā 'ajab shai hai

barf-bārī hai jal rahā huuñ maiñ

jin pe ranj-o-alam ke pahre haiñ

un gharoñdoñ kā mudda'ā huuñ maiñ

jis taraf se bhī aa.e aa.e havā

apne ghar kī tarah khulā huuñ maiñ

phir rahā huuñ azal se ḳhāna-ba-dosh

kis bagūle kī intihā huuñ maiñ

harf aa.egā mujh pe kyā 'nādāñ'

ek darvesh kī sadā huuñ maiñ

barha Tut kar bana hun main

Dubti naw ki ana hun main

KHud hi mulzim hun KHud hi munsif bhi

apne hi ru-ba-ru khaDa hun main

meri miTTi bhi kya 'ajab shai hai

barf-bari hai jal raha hun main

jin pe ranj-o-alam ke pahre hain

un gharondon ka mudda'a hun main

jis taraf se bhi aae aae hawa

apne ghar ki tarah khula hun main

phir raha hun azal se KHana-ba-dosh

kis bagule ki intiha hun main

harf aaega mujh pe kya 'nadan'

ek darwesh ki sada hun main