barish hai tanhai hai

bārish hai tanhā.ī hai

yaad tumhārī aa.ī hai

yaad tujhe kyoñ karte karte

aañkh mirī bhar aa.ī hai

tark-e-ta'alluq kaise kar luuñ

is meñ to rusvā.ī hai

mujh ko vafā na karnī aa.ī

tū bhī to harjā.ī hai

koyal jaisī terī bolī

ḳhushiyoñ kī shahnā.ī hai

siine meñ jo dhaḌak rahā hai

dil terā shaidā.ī hai

mere marne par ḳhushiyoñ kī

mahfil ḳhuub sajā.ī hai

'ishq meñ merī qismat mujh ko

maut ke dar par laa.ī hai

atom bam bhī ban saktā hai

ik zarra jo raa.ī hai

pyaar kā hai jo munkir 'sāġhar'

pāgal hai saudā.ī hai

barish hai tanhai hai

yaad tumhaari aai hai

yaad tujhe kyon karte karte

aankh meri bhar aai hai

tark-e-ta'alluq kaise kar lun

is mein to ruswai hai

mujh ko wafa na karni aai

tu bhi to harjai hai

koyal jaisi teri boli

KHushiyon ki shahnai hai

sine mein jo dhaDak raha hai

dil tera shaidai hai

mere marne par KHushiyon ki

mahfil KHub sajai hai

'ishq mein meri qismat mujh ko

maut ke dar par lai hai

atom bam bhi ban sakta hai

ek zarra jo rai hai

pyar ka hai jo munkir 'saghar'

pagal hai saudai hai