baat ima-o-ishaaraat se baDhi aap hi aap
baat īmā-o-ishārāt se baḌhī aap hī aap
us kī qurbat meñ bahalne lagā jī aap hī aap
taaza kaliyoñ ke tabassum kā sabab kyā hogā
aayā kartī hai javānī meñ hañsī aap hī aap
zard hāthoñ pe mohabbat kī lahū rañg-e-hinā
vaqt aayā to rachī aur rachī aap hī aap
bas ki rakkhā thā makāñ muddatoñ tum ne ḳhālī
is meñ bad-rūh koī basne lagī aap hī aap
raakh bante vahī chehra nahīñ dekhā jaatā
jis ke sho.ale kī kabhī dhuum machī aap hī aap
bint-e-havvā kisī chehre se na dhokā khaa.e
keñchulī saañp badaltā hai na.ī aap hī aap
kaash aisā bhī ho qīmat na adā karnī paḌe
aur mil jaa.e mujhe koī ḳhushī aap hī aap
baat ima-o-ishaaraat se baDhi aap hi aap
us ki qurbat mein bahalne laga ji aap hi aap
taza kaliyon ke tabassum ka sabab kya hoga
aaya karti hai jawani mein hansi aap hi aap
zard hathon pe mohabbat ki lahu rang-e-hina
waqt aaya to rachi aur rachi aap hi aap
bas ki rakkha tha makan muddaton tum ne KHali
is mein bad-ruh koi basne lagi aap hi aap
rakh bante wahi chehra nahin dekha jata
jis ke shoale ki kabhi dhum machi aap hi aap
bint-e-hawwa kisi chehre se na dhoka khae
kenchuli sanp badalta hai nai aap hi aap
kash aisa bhi ho qimat na ada karni paDe
aur mil jae mujhe koi KHushi aap hi aap
- Book : Shab Zaad (Pg. 25)
- Author : Shabnam Shakeel
- Publication : Mavaraa Publications (1978)
- Edition : 1978
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
