baat kahni thi kah chuke sahib

baat kahnī thī kah chuke sāhib

dil kī bātoñ meñ aa ga.e sāhib

vo jo kahte the ham-safar ḳhud ko

shaam hote hī chal diye sāhib

ab kisī ko kahāñ mayassar ham

jis ke hone the ho chuke sāhib

ek pal meñ hazār sadiyāñ haiñ

kaise kaaTe ye rat-jage sāhib

zindagī chaar din kī thī aur ham

chaar din kab ke jī liye sāhib

mere tārīk rāste par aaj

rakh gayā kaun ye diye sāhib

us ne nazar-e-karam uThā.ī aur

ham to farhād ho liye sāhib

aap achchhoñ ke saath rahiye ham

ab bure haiñ to haiñ bure sāhib

rāh-e-ulfat se nā-balad the ham

kah diyā chal to chal paḌe sāhib

baat kahni thi kah chuke sahib

dil ki baaton mein aa gae sahib

wo jo kahte the ham-safar KHud ko

sham hote hi chal diye sahib

ab kisi ko kahan mayassar hum

jis ke hone the ho chuke sahib

ek pal mein hazar sadiyan hain

kaise kaTe ye rat-jage sahib

zindagi chaar din ki thi aur hum

chaar din kab ke ji liye sahib

mere tarik raste par aaj

rakh gaya kaun ye diye sahib

us ne nazar-e-karam uThai aur

hum to farhad ho liye sahib

aap achchhon ke sath rahiye hum

ab bure hain to hain bure sahib

rah-e-ulfat se na-balad the hum

kah diya chal to chal paDe sahib