baat kuchh yun hai ki ye KHauf ka manzar to nahin

baat kuchh yuuñ hai ki ye ḳhauf kā manzar to nahīñ

laash dariyā meñ ġhanīmat hai ki be-ghar to nahīñ

duur sahrā-e-badan se nikal aayā huuñ magar

DhūñDhtā huuñ maiñ jise vo mire andar to nahīñ

ḳhvāhisheñ roz na.ī roz na.ī roz na.ī

ye mirā zehn bhī aḳhbār kā daftar to nahīñ

duur tak le ga.ī kyuuñ jumbish-e-añgusht mujhe

maiñ ishāre hī se pheñkā huā patthar to nahīñ

bhasmasur ban ga.ī hai aaj mashīnī duniyā

kaisī dastak hai jagat mohnī dar par to nahīñ

baat kuchh yun hai ki ye KHauf ka manzar to nahin

lash dariya mein ghanimat hai ki be-ghar to nahin

dur sahra-e-badan se nikal aaya hun magar

DhunDhta hun main jise wo mere andar to nahin

KHwahishen roz nai roz nai roz nai

ye mera zehn bhi aKHbar ka daftar to nahin

dur tak le gai kyun jumbish-e-angusht mujhe

main ishaare hi se phenka hua patthar to nahin

bhasmasur ban gai hai aaj mashini duniya

kaisi dastak hai jagat mohni dar par to nahin