baat sidhi bhi ho takrar bana leta hun

baat sīdhī bhī ho takrār banā letā huuñ

maiñ mohabbat ko bhī asrār banā letā huuñ

pahle pahle to maiñ apnā thā magar ab ḳhud ko

jaisī mahfil ho adākār banā letā huuñ

gher rakkhā hai ka.ī din se hasīñ yādoñ ne

ek tasvīr ka.ī baar banā letā huuñ

duur tak koī mire saath nahīñ chal saktā

so bichhaḌnā bhī tarah-dār banā letā huuñ

maiñ havāoñ pe qanā.at nahīñ karne vaalā

maiñ to hāthoñ ko bhī patvār banā letā huuñ

kuchh ta'alluq hai ḳhad-o-ḳhāl kī sūrat 'sābir'

kuchh ta'alluq ki maiñ bekār banā letā huuñ

baat sidhi bhi ho takrar bana leta hun

main mohabbat ko bhi asrar bana leta hun

pahle pahle to main apna tha magar ab KHud ko

jaisi mahfil ho adakar bana leta hun

gher rakkha hai kai din se hasin yaadon ne

ek taswir kai bar bana leta hun

dur tak koi mere sath nahin chal sakta

so bichhaDna bhi tarah-dar bana leta hun

main hawaon pe qanaat nahin karne wala

main to hathon ko bhi patwar bana leta hun

kuchh ta'alluq hai KHad-o-KHal ki surat 'sabir'

kuchh ta'alluq ki main bekar bana leta hun