baat waise nahin thi an-ban ki

baat vaise nahīñ thī an-ban kī

ḳhair lab par to aa ga.ī man kī

raat pāgal hañsā thā jī bhar kar

kis ne chheḌī thī baat sāvan kī

āñdhiyoñ kā to zor TuuT gayā

phir bhī baaqī haiñ vahshateñ ban kī

ḳhauf bāhar hai ḳhāmushī andar

gir na jaa.e fasīl phir tan kī

aks āñkhoñ meñ ab nahīñ koī

hairateñ dīdanī haiñ darpan kī

mauja-e-ḳhūñ kī shoḳhī-e-raftār

ho rahī hai harīf dāman kī

baat be-bāt ab jhagaḌte haiñ

aise 'āzād' jī na the sankī

baat waise nahin thi an-ban ki

KHair lab par to aa gai man ki

raat pagal hansa tha ji bhar kar

kis ne chheDi thi baat sawan ki

aandhiyon ka to zor TuT gaya

phir bhi baqi hain wahshaten ban ki

KHauf bahar hai KHamushi andar

gir na jae fasil phir tan ki

aks aankhon mein ab nahin koi

hairaten didani hain darpan ki

mauja-e-KHun ki shoKHi-e-raftar

ho rahi hai harif daman ki

baat be-baat ab jhagaDte hain

aise 'azad' ji na the sanki