baat ye tere siwa aur bhala kis se karen

baat ye tere sivā aur bhalā kis se kareñ

tū jafā-kār huā hai to vafā kis se kareñ

aa.ina sāmne rakkheñ to nazar tū aa.e

tujh se jo baat chhupānī ho kahā kis se kareñ

haath uljhe hue resham meñ phañsā baiThe haiñ

ab batā kaun se dhāge ko judā kis se kareñ

zulf se chashm-o-lab-o-ruḳh se ki tere ġham se

baat ye hai ki dil-o-jāñ ko rihā kis se kareñ

tū nahīñ hai to phir ai husn-e-suḳhan-sāz batā

is bhare shahr meñ ham jaise milā kis se kareñ

tū ne to apnī sī karnī thī so kar lī 'ḳhāvar'

mas.ala ye hai ki ham us kā gilā kis se kareñ

baat ye tere siwa aur bhala kis se karen

tu jafa-kar hua hai to wafa kis se karen

aaina samne rakkhen to nazar tu aae

tujh se jo baat chhupani ho kaha kis se karen

hath uljhe hue resham mein phansa baiThe hain

ab bata kaun se dhage ko juda kis se karen

zulf se chashm-o-lab-o-ruKH se ki tere gham se

baat ye hai ki dil-o-jaan ko riha kis se karen

tu nahin hai to phir ai husn-e-suKHan-saz bata

is bhare shahr mein hum jaise mila kis se karen

tu ne to apni si karni thi so kar li 'KHawar'

masala ye hai ki hum us ka gila kis se karen