baaten hain bahut kahni ye aaghaz-e-ghazal hai
baaten hain bahut kahni ye aaghaz-e-ghazal hai
Ahmad Masood Quraishi
MORE BYAhmad Masood Quraishi
bāteñ haiñ bahut kahnī ye āġhāz-e-ġhazal hai
misra ho bahut achchhā ye e.ajāz-e-ġhazal hai
kahtā huuñ maiñ ash.ār mohabbat ke bahut se
apnā to yahī ek hī andāz-e-ġhazal hai
do satr meñ bātoñ ko baḌe pyaar se kahnā
shā.ir ke liye itnā hī e.azāz-e-ġhazal hai
ye ishq kā qissa hai bayāñ kartā huuñ is meñ
jānam tirī chāhat mirī ham-rāz-e-ġhazal hai
aa.ī baḌī jiddat hai suḳhan meñ mire yaaro
dekho yahī jiddat hai jo parvāz-e-ġhazal hai
baaten hain bahut kahni ye aaghaz-e-ghazal hai
misra ho bahut achchha ye eajaz-e-ghazal hai
kahta hun main ashaar mohabbat ke bahut se
apna to yahi ek hi andaz-e-ghazal hai
do satr mein baaton ko baDe pyar se kahna
shair ke liye itna hi eazaz-e-ghazal hai
ye ishq ka qissa hai bayan karta hun is mein
jaanam teri chahat meri ham-raaz-e-ghazal hai
aai baDi jiddat hai suKHan mein mere yaro
dekho yahi jiddat hai jo parwaz-e-ghazal hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
