bazar ke girte hue damon ki tarah the

bāzār ke girte hue dāmoñ kī tarah the

ham kāñch ke TuuTe hue jāmoñ kī tarah the

vo misl-e-sabā phirtā thā is shahr meñ lekin

ham ret pe likkhe hue nāmoñ kī tarah the

jo likkhe ga.e the magar us tak nahīñ pahuñche

ham log bhī aise hī payāmoñ kī tarah the

vo sheva taġhāful ko banā baiThā thā apnā

ham bhī use bhūle hue kāmoñ kī tarah the

bazar ke girte hue damon ki tarah the

hum kanch ke TuTe hue jamon ki tarah the

wo misl-e-saba phirta tha is shahr mein lekin

hum ret pe likkhe hue namon ki tarah the

jo likkhe gae the magar us tak nahin pahunche

hum log bhi aise hi payamon ki tarah the

wo shewa taghaful ko bana baiTha tha apna

hum bhi use bhule hue kaamon ki tarah the