babul sarw se behtar dikhai deta hai

babūl sarv se behtar dikhā.ī detā hai

har ek ḳhaar gul-e-tar dikhā.ī detā hai

girā-paḌā sā har ik ghar dikhā.ī detā hai

galī galī yahī manzar dikhā.ī detā hai

bahut se haath madad ko baḌhe magar kyā hai

har ek haath meñ ḳhanjar dikhā.ī detā hai

baḌhī hai tishnagī itnī ki pyaas ke maare

sarāb-e-vaqt samandar dikhā.ī detā hai

vo jis ke saa.e meñ paltī rahī hai tārīkī

vo aaj māh-e-munavvar dikhā.ī detā hai

vahī jo zo'm-o-takabbur meñ thā akaḌtā huā

vo ab ḳhulūs kā paikar dikhā.ī detā hai

babul sarw se behtar dikhai deta hai

har ek KHar gul-e-tar dikhai deta hai

gira-paDa sa har ek ghar dikhai deta hai

gali gali yahi manzar dikhai deta hai

bahut se hath madad ko baDhe magar kya hai

har ek hath mein KHanjar dikhai deta hai

baDhi hai tishnagi itni ki pyas ke mare

sarab-e-waqt samandar dikhai deta hai

wo jis ke sae mein palti rahi hai tariki

wo aaj mah-e-munawwar dikhai deta hai

wahi jo zo'm-o-takabbur mein tha akaDta hua

wo ab KHulus ka paikar dikhai deta hai