bacha ke rakkhi hai thoDi si dosti maine

bachā ke rakkhī hai thoḌī sī dostī maiñ ne

kiyā hai tark abhī rishta aarzī maiñ ne

purānī yādoñ ko pūchhā na.e irādoñ se

darīcha khol ke aane dī raushnī maiñ ne

diyā hai rāstā phir se na.e ḳhayāloñ ko

miTā.ī zehn se tasvīr aap kī maiñ ne

tujhe bhī dekhūñ taḌaptā huā kisī ke liye

isī liye to nahīñ kī thī ḳhud-kushī maiñ ne

tamām rang hī takne lage the hasrat se

safed rang kī oḌhī jo oḌhnī maiñ ne

uThā ke haath ḳhudā se duā kī paanī kī

badan pe sahrā ke jhuk ke likhī nadī maiñ ne

har ek lamha guzartā hai ik baras jaisā

guzār dī ho yahāñ jaise ik sadī maiñ ne

vo tiin lafz huuñ jis kī maiñ muntazir kab se

kaho na ek daf.a phir nahīñ sunī maiñ ne

umaDte shor ke sho.aloñ pe paḌ gayā paanī

bas ek baat zarā zor se kahī maiñ ne

bacha ke rakkhi hai thoDi si dosti main ne

kiya hai tark abhi rishta aarzi main ne

purani yaadon ko puchha nae iradon se

daricha khol ke aane di raushni main ne

diya hai rasta phir se nae KHayalon ko

miTai zehn se taswir aap ki main ne

tujhe bhi dekhun taDapta hua kisi ke liye

isi liye to nahin ki thi KHud-kushi main ne

tamam rang hi takne lage the hasrat se

safed rang ki oDhi jo oDhni main ne

uTha ke hath KHuda se dua ki pani ki

badan pe sahra ke jhuk ke likhi nadi main ne

har ek lamha guzarta hai ek baras jaisa

guzar di ho yahan jaise ek sadi main ne

wo tin lafz hun jis ki main muntazir kab se

kaho na ek dafa phir nahin suni main ne

umaDte shor ke shoalon pe paD gaya pani

bas ek baat zara zor se kahi main ne