bachche bhi ab dekh ke usko hanste hain
bachche bhī ab dekh ke us ko hañste haiñ
us ke muñh par rañg birañge saa.e haiñ
jaltī āñkheñ le kar bhī itrātā huuñ
sab ke sapne mere apne sapne haiñ
merā badan hai kitnī rūhoñ kā maskan
merī jabīñ par kitne katbe likkhe haiñ
jab se kisī ne biich meñ rakh dī hai talvār
ham-sā.e bhī ham-sā.e se Darte haiñ
shahrī bhañvre se kahnā ai bād-e-sabā
niim ke patte gaañv meñ ab bhī kaḌve haiñ
ek zarā sī Thes lagī aur TuuT ga.e
dil ke rishte kitne nāzuk hote haiñ
kis ko dikhā.ūñ apnī nazar se terā ruup
tere bhī to ek nahīñ sau chehre haiñ
bachche bhi ab dekh ke us ko hanste hain
us ke munh par rang birange sae hain
jalti aankhen le kar bhi itraata hun
sab ke sapne mere apne sapne hain
mera badan hai kitni ruhon ka maskan
meri jabin par kitne katbe likkhe hain
jab se kisi ne bich mein rakh di hai talwar
ham-sae bhi ham-sae se Darte hain
shahri bhanwre se kahna ai baad-e-saba
nim ke patte ganw mein ab bhi kaDwe hain
ek zara si Thes lagi aur TuT gae
dil ke rishte kitne nazuk hote hain
kis ko dikhaun apni nazar se tera rup
tere bhi to ek nahin sau chehre hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
