baDa bechain sa rahta hun ab to

baḌā bechain sā rahtā huuñ ab to

maiñ kyā kyā sochtā rahtā huuñ ab to

hai ḳhāmoshī rahī fitrat mirī par

musalsal boltā rahtā huuñ ab to

huā hai aañkh se ojhal ujālā

añdhere se ghirā rahtā huuñ ab to

miyāñ andar hī andar mar chukā huuñ

abas phankārtā rahtā huuñ ab to

havā se maiñ kabhī kartā thā bāteñ

aTārī meñ paḌā rahtā huuñ ab to

maiñ bachcha to nahīñ abrār lekin

uchhaltā kūdtā rahtā huuñ ab to

baDa bechain sa rahta hun ab to

main kya kya sochta rahta hun ab to

hai KHamoshi rahi fitrat meri par

musalsal bolta rahta hun ab to

hua hai aankh se ojhal ujala

andhere se ghira rahta hun ab to

miyan andar hi andar mar chuka hun

abas phankarta rahta hun ab to

hawa se main kabhi karta tha baaten

aTari mein paDa rahta hun ab to

main bachcha to nahin abrar lekin

uchhalta kudta rahta hun ab to