badan badan ki zarurat se mar Dala gaya

badan badan kī zarūrat se maar Daalā gayā

jo bach rahā vo mohabbat se maar Daalā gayā

na titliyoñ se thā ḳhatra na jugnuoñ se ḳhauf

hameñ to ḳhair sharārat se maar Daalā gayā

jo gard aane na dete the apne kapḌoñ tak

unheñ bhī kaisī nafāsat se maar Daalā gayā

ḳhudā-e-husn ḳharābī isī nazar meñ thī

ik aa.ina mirī hairat se maar Daalā gayā

tamām zor-e-ḳhitābat ḳhilāf thā apne

'adū ke 'ilm kī tāqat se maar Daalā gayā

ik aur shaḳhs mire dostoñ ke andar thā

use thapak ke mohabbat se maar Daalā gayā

ka.ī gavāh bhī kam aap ko sazā ke liye

hameñ to ek shahādat se maar Daalā gayā

badan badan ki zarurat se mar Dala gaya

jo bach raha wo mohabbat se mar Dala gaya

na titliyon se tha KHatra na jugnuon se KHauf

hamein to KHair shararat se mar Dala gaya

jo gard aane na dete the apne kapDon tak

unhen bhi kaisi nafasat se mar Dala gaya

KHuda-e-husn KHarabi isi nazar mein thi

ek aaina meri hairat se mar Dala gaya

tamam zor-e-KHitabat KHilaf tha apne

'adu ke 'ilm ki taqat se mar Dala gaya

ek aur shaKHs mere doston ke andar tha

use thapak ke mohabbat se mar Dala gaya

kai gawah bhi kam aap ko saza ke liye

hamein to ek shahadat se mar Dala gaya