badan chhupane ko kuchh mere pas tha hi nahin

badan chhupāne ko kuchh mere paas thā hī nahīñ

jo zeb-e-tan thā vo merā libās thā hī nahīñ

maiñ jis ke hijr ko dil se lagā ke baiThā rahā

vo mujh ko chhoḌ ke bilkul udaas thā hī nahīñ

mujhe to pyāsā tire mai-kade se lauTnā thā

ki mere haath meñ koī gilās thā hī nahīñ

usī kī ḳhushbū kī aahaT chahār-jānib thī

jo mere paas thā aur ās-pās thā hī nahīñ

tamām umr tazādāt kā shikār rahe

jo tujh ko raas thā vo mujh ko raas thā hī nahīñ

badan chhupane ko kuchh mere pas tha hi nahin

jo zeb-e-tan tha wo mera libas tha hi nahin

main jis ke hijr ko dil se laga ke baiTha raha

wo mujh ko chhoD ke bilkul udas tha hi nahin

mujhe to pyasa tere mai-kade se lauTna tha

ki mere hath mein koi gilas tha hi nahin

usi ki KHushbu ki aahaT chahaar-jaanib thi

jo mere pas tha aur aas-pas tha hi nahin

tamam umr tazadat ka shikar rahe

jo tujh ko ras tha wo mujh ko ras tha hi nahin