badan ke daf par lahu baha le de raft raftan thirak raha hai

badan ke daf par lahū bahā le de raft raftan thirak rahā hai

ye kaun naddāf andar andar tamām ruuī dhunak rahā hai

ham apne rūyā-e-'ishq saare jalā ke ḳhāshāk kar to deñge

magar vo ik ḳhvāb jo musalsal hamārī āñkhoñ ko tak rahā hai

farishte ujle paroñ se sar-sabz fasl-e-rahmat bikherte haiñ

ġharīb dahqāñ hikāyatoñ se zamīñ ke dāġhoñ ko Dhak rahā hai

maiñ apnī tanhā.iyoñ ke rāgoñ meñ apnī vahshat ko Dhāltā huuñ

ye merī sāñsoñ ke zer-o-bam meñ tumhārā dil kyoñ dhaḌak rahā hai

azal abad hast-o-būd maiñ tū sab ik ikaa.ī meñ Dhal rahe haiñ

nazar pe thā manzaroñ kā parda so ab ye parda sarak rahā hai

badan ke daf par lahu baha le de raft raftan thirak raha hai

ye kaun naddaf andar andar tamam rui dhunak raha hai

hum apne ruya-e-'ishq sare jala ke KHashak kar to denge

magar wo ek KHwab jo musalsal hamari aankhon ko tak raha hai

farishte ujle paron se sar-sabz fasl-e-rahmat bikherte hain

gharib dahqan hikayaton se zamin ke daghon ko Dhak raha hai

main apni tanhaiyon ke ragon mein apni wahshat ko Dhaalta hun

ye meri sanson ke zer-o-bam mein tumhaara dil kyon dhaDak raha hai

azal abad hast-o-bud main tu sab ek ikai mein Dhal rahe hain

nazar pe tha manzaron ka parda so ab ye parda sarak raha hai