badan ke sae ne jab rasta siyah kiya

badan ke saa.e ne jab rāsta siyāh kiyā

palaT ke maiñ ne bhī sūraj ko intibāh kiyā

phir ek yaad kī lau jagmagā.ī siine meñ

phir ik umiid ne dil ko panāh-gāh kiyā

is ek shauq-e-nazar ne hameñ kiyā ta.amīr

phir us ke baad isī ne hameñ tabāh kiyā

havā rukī to bhaḌakte rahe charāġhoñ meñ

havā chalī to uThe ḳhud ko raah raah kiyā

ajiib shaam thī vo shaam jab bichhaḌte vaqt

is āftāb ne afsurda be-panāh kiyā

zamīn bas yahī qābil thī is liye apnī

ġhazal meñ tujh ko uThāyā to mehr-o-māh kiyā

agar chale to musalsal chale musalsal hī

'nafīs' ishq kiyā aur gaah gaah kiyā

badan ke sae ne jab rasta siyah kiya

palaT ke main ne bhi suraj ko intibah kiya

phir ek yaad ki lau jagmagai sine mein

phir ek umid ne dil ko panah-gah kiya

is ek shauq-e-nazar ne hamein kiya tamir

phir us ke baad isi ne hamein tabah kiya

hawa ruki to bhaDakte rahe charaghon mein

hawa chali to uThe KHud ko rah rah kiya

ajib sham thi wo sham jab bichhaDte waqt

is aaftab ne afsurda be-panah kiya

zamin bas yahi qabil thi is liye apni

ghazal mein tujh ko uThaya to mehr-o-mah kiya

agar chale to musalsal chale musalsal hi

'nafis' ishq kiya aur gah gah kiya