badan ki qaid mein rah kar tamam-tar kaTo

badan kī qaid meñ rah kar tamām-tar kaaTo

ye 'umr koī sazā hai ki 'umr bhar kaaTo

rahe na ek bhī haamī yahāñ mohabbat kā

jalā do phuul kī shāḳhoñ ko aur shajar kaaTo

khulī fazā.eñ dikhātā thā mujh ko aur ik roz

kisī ne us ko sikhāyā ki is ke par kaaTo

tumhāre fā.ede nuqsān kā hī zikr na ho

kisī kī baat jo kaaTo to soch kar kaaTo

panap rahī hai baġhāvat so tum pe vājib hai

hamārī āñkheñ nikālo hamāre sar kaaTo

ye koī shart nahīñ hai ki mere paas raho

tumhārā vaqt hai chāhe jahāñ jidhar kaaTo

baḌī hī ‘umda likhī dāstāñ mohabbat kī

magar jo lafz izāfī likhā hai Dar kaaTo

tamām 'umr kī āvārgī ke baa'd khulā

na dil kī baat suno aur na dar-ba-dar kaaTo

badan ki qaid mein rah kar tamam-tar kaTo

ye 'umr koi saza hai ki 'umr bhar kaTo

rahe na ek bhi hami yahan mohabbat ka

jala do phul ki shaKHon ko aur shajar kaTo

khuli fazaen dikhata tha mujh ko aur ek roz

kisi ne us ko sikhaya ki is ke par kaTo

tumhaare faede nuqsan ka hi zikr na ho

kisi ki baat jo kaTo to soch kar kaTo

panap rahi hai baghawat so tum pe wajib hai

hamari aankhen nikalo hamare sar kaTo

ye koi shart nahin hai ki mere pas raho

tumhaara waqt hai chahe jahan jidhar kaTo

baDi hi ‘umda likhi dastan mohabbat ki

magar jo lafz izafi likha hai Dar kaTo

tamam 'umr ki aawargi ke ba'd khula

na dil ki baat suno aur na dar-ba-dar kaTo