badan pe KHarqa-e-tahzib phaTne wala hai
badan pe ḳharqa-e-tahzīb phaTne vaalā hai
jise bachā ke rakhā hai bahut sambhālā hai
tumheñ dikhā.ūñ maiñ shahr-e-jadīd kā naqsha
ye DeḌh iiñT kī masjid hai ye shivāla hai
tamām raikoñ meñ rakkhī huī kitāboñ meñ
tumheñ ḳhabar nahīñ fikr-o-nazar kā jaalā hai
muhīb añdhere meñ raushan ḳhayāl logoñ par
na jaane agle hī pal kyā guzarne vaalā hai
jahāñ bhī ubhrī sadā-e-zamīr-e-insānī
jadīdiyat ke naqīboñ ne maar Daalā hai
fazā meñ uḌte hue aur laḌkhaḌāte hue
parind-e-ḳhasta kā ik āḳhirī sambhālā hai
badan pe KHarqa-e-tahzib phaTne wala hai
jise bacha ke rakha hai bahut sambhaala hai
tumhein dikhaun main shahr-e-jadid ka naqsha
ye DeDh inT ki masjid hai ye shiwala hai
tamam raikon mein rakkhi hui kitabon mein
tumhein KHabar nahin fikr-o-nazar ka jala hai
muhib andhere mein raushan KHayal logon par
na jaane agle hi pal kya guzarne wala hai
jahan bhi ubhri sada-e-zamir-e-insani
jadidiyat ke naqibon ne mar Dala hai
faza mein uDte hue aur laDkhaDate hue
parind-e-KHasta ka ek aaKHiri sambhaala hai
- Book : Shor ke darmayan (Pg. 20)
- Author : Jamal Owaisi
- Publication : Educational Publishing House (2006)
- Edition : 2006
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
