badan Thahra dikhai de raha hai

badan Thahrā dikhā.ī de rahā hai

zarā gahrā dikhā.ī de rahā hai

har ik gūñgā hai us kī anjuman meñ

har ik bahrā dikhā.ī de rahā hai

baḌā sunsān sā hai us kā kūcha

bahut pahrā dikhā.ī de rahā hai

kabhī utrā thā yaañ maiñ pāniyoñ meñ

jahāñ sahrā dikhā.ī de rahā hai

hai kaisā mājrā kuchh tum bhī dekho

ye kyā chehrā dikhā.ī de rahā hai

abhī Duubā hī thā maiñ āñsuoñ meñ

ki phir sahrā dikhā.ī de rahā hai

mirī āvāz ke bujhte diye meñ

tirā chehrā dikhā.ī de rahā hai

har ik yaañ uḌ rahā hai āñdhiy.oñ meñ

magar Thahrā dikhā.ī de rahā hai

jahāñ mahfūz saarī raunaqeñ haiñ

vahīñ sahrā dikhā.ī de rahā hai

koī uTThegā tūfāñ dil-zamīñ se

qadam gahrā dikhā.ī de rahā hai

koī rishta nahīñ hai aa.ine se

magar chehrā dikhā.ī de rahā hai

vo mujh meñ aa gayā maiñ us ke andar

jahāñ Thahrā dikhā.ī de rahā hai

zarā chhaTne to do rangoñ ke bādal

dhuāñ gahrā dikhā.ī de rahā hai

abhī mat chheḌnā 'ajmal' ko dekho

'ajab chehrā dikhā.ī de rahā hai

badan Thahra dikhai de raha hai

zara gahra dikhai de raha hai

har ek gunga hai us ki anjuman mein

har ek bahra dikhai de raha hai

baDa sunsan sa hai us ka kucha

bahut pahra dikhai de raha hai

kabhi utra tha yan main paniyon mein

jahan sahra dikhai de raha hai

hai kaisa majra kuchh tum bhi dekho

ye kya chehra dikhai de raha hai

abhi Duba hi tha main aansuon mein

ki phir sahra dikhai de raha hai

meri aawaz ke bujhte diye mein

tera chehra dikhai de raha hai

har ek yan uD raha hai aandhiyon mein

magar Thahra dikhai de raha hai

jahan mahfuz sari raunaqen hain

wahin sahra dikhai de raha hai

koi uTThega tufan dil-zamin se

qadam gahra dikhai de raha hai

koi rishta nahin hai aaine se

magar chehra dikhai de raha hai

wo mujh mein aa gaya main us ke andar

jahan Thahra dikhai de raha hai

zara chhaTne to do rangon ke baadal

dhuan gahra dikhai de raha hai

abhi mat chheDna 'ajmal' ko dekho

'ajab chehra dikhai de raha hai